آئی ایم ایف نے پاکستان کے لیے 1.2 ارب ڈالر کی قسط کی منظوری دے دی

آئی ایم ایف کے ایگزیکٹو بورڈ کی جانب سے 1.2 ارب ڈالر کی قسط کی منظوری پاکستان کی معاشی استحکام کی کوششوں میں ایک اہم قدم ہے۔ اس مالیاتی پیکج میں ایک ارب ڈالر ادائیگیوں کے توازن کے لیے جبکہ 200 ملین ڈالر بجٹ سپورٹ کے طور پر فراہم کیے جائیں گے۔ اس رقم کی منتقلی سے اسٹیٹ بینک کے زر مبادلہ کے ذخائر 17 ارب ڈالر سے تجاوز کر جائیں گے، جو کہ ملکی معیشت کے لیے ایک مثبت اشارہ ہے۔

تاہم، اس منظوری کے ساتھ پاکستان کو 12 نئی سخت شرائط پر عمل درآمد کا وعدہ کرنا پڑا ہے، جس میں جنوری سے بجلی کی سبسڈی ختم کرنا بھی شامل ہے۔ جہاں حکومتی ذرائع اہداف کی تکمیل کا دعویٰ کر رہے ہیں، وہیں رپورٹ کے مطابق ایف بی آر خوردہ فروشوں سے ٹیکس وصولی کے ہدف کو پورا کرنے میں ناکام رہا ہے۔ تجزیہ کاروں کا کہنا ہے کہ استحکام کی ان پالیسیوں سے غربت اور بے روزگاری میں اضافے کا کھدشا ہے، جس پر عوامی سطح پر تشویش پائی جاتی ہے۔